Adidas去年將所有系列删除咗，包括傳統嘅predator同 F50,。除而代之係一個新嘅concept，名叫X和ACE。X係代面製造混亂，適合盤扭作個人突破嘅球員，ACE係代表控製球場節奏，適合分波類嘅球員。X同ACE分別都晌adidas平底出售。
有趣嘅嘢係，晌平地場上，15.1同15.2嘅鞋款同釘boot有啲唔同。無論X 同ACE，佢地個名後面都會多咗CT兩隻字，解作court。相信球鞋係為室內場或平地專業地設計。
先前日本KAMO做減價，入咗呢對鞋，就係睇中佢香港無呢隻顏色配搭。呢對鞋叫adidas X 15.2 ct，為adidas X 15 系列次頂級嘅鞋款。鞋係由合成皮製。鞋嘅前身又明顯凹凸紋，估計係有助”chok西”同“斬波”嘅球感。
球鞋前身為黑色，帶點橙色嘅小碎點，有種宇宙嘅感觀，佢質料較薄；後身為灰色，質料較厚，給予人包住足踝嘅舒適感覺。球鞋嘅前身和後身由一條鮮艷嘅橙色條子相隔。鞋最後方更有adidas嘅大logo。
X 15.2 ct有ACE前後唔同色嘅設計和凹凸紋，又有X後方嘅大adidas logo和足踝舒適設計，就如X和ACE的混種鞋，不過個名都係叫X。球鞋嘅鞋底也配上紫色塑膠底，也有一塊薄薄的黑色物料作避震功用。球鞋另外的一個亮點為其鞋帶，它以橙黑紫灰四色為混合色調，配合鞋身的顏色，令球鞋有種獨特風格。
新鞋落地，玩了一場波。X 15.2 ct係唔洗經歷“開鞋”嘅，由於質料柔軟，球感好快就掌握到。射門上不論腳內側燙射還是腳面強力揪射，效果也很理想。小編對球鞋嘅腳內側燙射感覺最深刻，球有孤度，且往往能做到預期的球道，一腳簡單右腳燙射往右上角，還可以帶點曲墜，goal!!
球鞋於短傳上則如平時發揮，長傳上因鞋底較薄和鞋身質感柔軟，發揮理想，輕易斬出下旋高飛球。盤球上鞋身較輕，加上貼腳，沒有真皮鞋的笨拙，換來的是靈活的碎步和轉向。
Adidas X 15.2 ct有個唔好嘅地方，就係條鞋帶個質料。鞋帶本身設計非常搶眼，但估計係因為編印上嘅技術問題，鞋帶上有種膠質，令到縛鞋帶上遇到困難。小編玩左兩個鐘波，就足足要縛成五六次。所以喜歡X 15.2ct嘅朋友就要注意，換鞋帶都會係一個唔差嘅選擇。
此外，小編較為重視球鞋嘅避震，所以鍾意著啲個底厚啲嘅平底波boot。但係X 15.2ct個底較薄，對小編嘅腳底保護就差啲咁。
總結嚟講，X 15.2ct係一對性價唔錯嘅選擇，著落去個感覺同X 15.1ct感覺係差唔多，係鞋面用料同應用嘅鞋身科技就有唔同。X 15.2ct係一對採用合成皮嘅輕巧球鞋，佢鞋頭質料薄，能製造強而有力嘅射門。小編認為呢對係一對攻擊型嘅球鞋，絕對適合用個人能力撕破對手防線嘅嘅你。
Search